O Benxamín Base de Squadra estrea a tempada no Torneo Millenium da Coruña

O pasado sábado 19 de setembro, o Club Squadra Boqueixón participou no Torneo Club Rítmica Millenium, celebrado no Palacio dos Deportes de Riazor, na Coruña.

Foi unha cita especialmente importante para o noso conxunto Benxamín Base, formado por Carla, Sabrinna, Mencía, Paula e Vega, que se estreaba esta tempada nun nivel nacional tan esperado.

As nosas ximnastas máis pequenas afrontaron o seu exercicio con determinación e valentía, nunha primeira toma de contacto coa competición que serviu para deixar atrás os nervios, gañar confianza e seguir acumulando experiencia de cara aos próximos retos.

Squadra estivo tamén representado na modalidade individual por Zaira Castro Louzán, na categoría xuvenil base, completando así a presenza do club nesta primeira cita da tempada.

Unha xornada moi especial para volver ao tapiz, seguir medrando e comezar unha nova tempada de competición con ilusión.